"Жирэмсэн залуу” нэрээрээ дэлхийн хэмжээнд танигдсан Thomas Beatie хэмээх залуу энэ оны эхээр амаржиж, эрүүл саруул охинтой болсон билээ. Харин тэрбээр дахин хөл хүнд болсон бөгөөд хоёр дахь хүүхдээ хүлээж суугаа гэнэ.

Төрөлхийн эмэгтэй байсан тэрбээр хүйсээ солиулж, улмаар эхнэртэй болсон бөгөөд зургадугаар сарын 29-нд Susan гэх охиноо төрүүлснийхээ дараа Америкийн ABC News-т ярилцлага өгөх үеэрээ эр гормоны ялгаралт харьцангуй бага байгаа учраас дахин хүүхэдтэй болж болно хэмээн ярьж байсан юм. "Би сайн байгаа. Эмчийн үзлэг, шинжилгээнд бүрэн хамрагдсан, бүх зүйл хэвийн байгаа” хэмээн тэрбээр ярьжээ. Эхнэр Nancy-гийн хамт Орегон мужийн Бенд хотноо оршин суудаг Thomas Beatie-гийн хэлснээр тэр ирэх оны зургадугаар сарын 12 гэхэд амаржих гэнэ.